Prorektori për Hulumtime dhe Kërkime Shkencore, Zhvillim Akademik dhe Ngritje të Cilësisë Arben Boshnjaku dhe Dekani i Fakultetit të Shkencave Sociale Ferdi Kamberi, sot kanë vizituar Zyrën Rajonale të Punësimit në komunën e Gjakovës dhe janë pritur nga drejtori i kësaj zyre z. Kujtim Dula.

Në kuadër të kësaj vizite janë diskutuar çështje me interes të përbashkët, intensifikimi i bashkëpunimit, praktika e studentëve të fakulteteve në kuadër të kësaj zyre, si dhe janë diskutuar çështje të tjera të cilat prekin të dy institucionet përkatëse.

Kjo vizitë është vazhdimësi e vizitave nga përfaqësues të UFAGJ-së tek institucionet dhe partnerët me qëllim të fuqizimit të bashkëpunimit.